Baıqońyrda Analar kúnin merekeleý bastaldy

BAIQOŃYR. QazAqparat - Búgin Reseıde Analar kúni, Baıqońyrda da bul mereke keńinen toılanýda, dep habarlaıdy QazAqparat tilshisi. Mereke qarsańynda qala ákimshiliginiń basshysy Anatolıı Petrenko men apparat jetekshisi Sergeı ıAnovskıı qala ákimshiliginiń sharýashylyq bóliminde jumys isteıtin áıelderdi Analar kúnimen quttyqtady.

«Qala ákimshiliginiń jetekshileri áıelderdiń analyq eńbegi men bala tárbıesindegi zor úlesi úshin alǵys bildirdi. Merekege baılanysty analar materıaldyq kómek aldy», - dep atap ótti ákimdiktiń baspasóz qyzmeti.  Sharýashylyq bóliminde jumys isteıtin áıelder,  kópshiligi jaqyn mańdaǵy Tóretam men Aqaı aýyldarynda turatyn qazaqstandyq azamatshalar Baıqońyr basshylyǵyna raqmet aıtty.

Analar kúnine oraı, búgin «Satýrn» kınokontsert zalynda qalanyń barlyq turǵyndary úshin merekelik kontsert bolady.