Baıqońyrda amerıkalyq «AMS-4R» jer serigin ushyrýǵa daıarlyq júrgizilýde
BAIQOŃYR. Sáýirdiń 17-si. QazAqparat - «Baıqońyr» ǵarysh aılaǵynda «Brız-M» jedeldetkish blogymen jáne amerıkalyq «AMS-4R» telebaılanystyq ǵarysh apparatymen «Proton-M» ǵaryshtyq maqsattaǵy zymyranyn (ǴMZ) ushyrýǵa daıarlyq júrgizilip jatyr.
«Ońtústik» Ǵarysh ortalyǵy (ǴO) baspasaóz qyzmetiniń habarlaýynsha, Roskostyń mamandary zymyrannyń - «Brız-M» jedeldetkish blogy jáne amerıkalyq «AMS-4R» telebaılanystyq ǵarysh apparaty quraıtyn ǵaryshtyq bas jaǵyndaǵy bóligin jınap bitti, endi ǴMZ-nyń jalpy jınaqtaý jumystary kútip tur.
«Proton-M» ǴMZ ǵarysh aılaǵynyń 200-inshi máre keshenine jetkizý sáýirdiń 20-syna belgilengen, al ushýy sáýirdiń 24-ine Astana ýaqytymen 17 saǵat 19 mınýtqa josparlanǵan.
