Baıqońyrda aqpan aıynda 3 keme ushyrylady

BAIQOŃYR. QazAqparat - «Baıqońyr» ǵarysh aılaǵyndaǵy ushyrý jumystary aqpan aıynda bastalady, dep habarlaıdy QazAqparat tilshisi.

Buǵan deıin habarlaǵanymyzdaı, Baıqońyr ǵarysh aılaǵynda HǴS quramyndaǵy «Soıýz MS-22» ǵarysh kemesindegi 2022 jylǵy 15 jeltoqsandaǵy shtattan tys jaǵdaıǵa baılanysty 2023 jylǵy sońǵy ushyrý jospary ózgertilgen edi.

«Qazirgi ýaqytta Qazaqstan tarapy ushyrýdyń jyldyq josparyn bekitti jáne ushyrý baǵdarlamasy aqpan aıynda bastalady», - dep málimdedi QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıteti.

Elektro-L ǵarysh apparatymen «Proton-M» zymyran tasymaldaǵyshyn ushyrý aqpan aıynyń basyna josparlanǵan. S. A. Lavochkın atyndaǵy ǵylymı-óndiristik birlestikte ázirlengen «Elektro-L» geostatsıonarlyq ǵarysh apparaty 2022 jylǵy 27 jeltoqsanda Baıqońyr ǵarysh aılaǵyna jetkizildi.

Ushyrý josparynda jarııalanǵan «Soıýz-2.1 a» zymyran tasymaldaǵyshynyń «Progress MS-22» kóliktik júk kemesimen ushyrylýy aqpan aıynyń birinshi onkúndigine belgilengen.

Sondaı-aq «Soıýz MS-23» kóliktik basqarylatyn kemesi bar «Soıýz-2.1 a» zymyran tasymaldaǵyshy 2023 jylǵy 20 aqpanda Halyqaralyq ǵarysh stantsııasyna jiberiledi.

Avtory: Sara Qabıqyzy

Ashyq kózderden alynǵan foto