Baıqońyrda 7 jasar qyzdy zorlaǵan pedofıl ustaldy

BAIQOŃYR. QazAqparat – Baıqońyr qalasynda 28 shilde kúni jeti jasar qyz pedofılden zorlyq kórgen, dep habarlaıdy QazAqparat tilshisi.

Bul oqıǵaǵa baılanysty Baıqońyr qalasy ákimshiliginiń basshysy Konstantın Býsygın qala turǵyndaryna úndeý jasady.

«Bizdiń qalamyzda sumdyq jaǵdaı oryn aldy. 7 jasar qyzdy zorlap ketken. Qylmystyq is qozǵaldy. Zorlaǵan azamat ustalyp, ýaqytsha ustaý ızolıatoryna qamaldy. Quqyq qorǵaý organdarynyń qyzmetkerleri odan jaýap alyp, basqa da tergeý áreketterin júrgizedi. Bizdiń tártip saqshylary bilikti tergeý júrgizedi jáne qylmysker zańda belgilengen qatań jazamen jazalanady», - delingen qalalyq ákimshiliktiń resmı saıtynda jarııalanǵan habarlamada.