Baıqońyrda 100-den astam vıdeokamera ornatyldy
«2018 jyldyń birinshi jartyjyldyǵynda qala perımetri boıynsha 1 998 metr torly qorshaýlar ornatylyp, 3 919 metr qashyqtyqqa temir tikenekti qorshaýlar, 5 193 metr jerge metall naýa, 102 beınekamera qoıyldy», - dep habarlady «Turǵyn úı sharýashylyǵy» qalalyq kásiporny.
Qazirgi ýaqytta qaladaǵy ótkizý-baqylaý beketterinde qurylys jumystary júrgizilip jatyr. 2018 jyldyń birinshi jartysynda Baıqońyr qalasynyń perımetrin tehnıkalyq turǵydan kúsheıtýge jumsalǵan jalpy shyǵyndar 36 mıllıonnan astam rýbldi qurady.
Jumystar «Qaýipsiz qala» qalalyq maqsatty baǵdarlamasy aıasynda júrgizilip jatyr.
«Qaýipsiz qala» baǵdarlamasynyń maqsaty - Baıqońyr qalasynyń aýmaǵyna ruqsatsyz kirýge jol bermeý, terrorıstik akt jasaý áreketterin toqtatý jáne onyń yqtımal saldarlaryn barynsha azaıtý, qala terrıtorııasyndaǵy lańkestik shabýyl qaýpin joıý, dep atap ótti baspasóz qyzmetinen.
Qalanyń perımetrin tehnıkalyq jaǵynan nyǵaıtý jumystaryn osy jyldyń sońyna deıin aıaqtaý josparlanyp otyr.
