Baıqońyr ulttyq tsıfrlyq habarlarmen tolyq qamtylatyn bolady

«Qazteleradıo» AQ aqparatyna sáıkes, Syr óńirinde ulttyq tsıfrlyq habarlar taratý qyzmetine qosylǵan azamattar oblys turǵyndarynyń 84 paıyzyn qamtıdy. Naqty aıtqanda, 114 205 abonent sol ıgilikti tutynady. Bul jóninen Baıqońyr qalasy tómengi kórsetkishte qalyp otyr. Onda ulttyq tsıfrlyq telehabar taratý qyzmetine qosylǵan azamattar jergilikti turǵyndardyń 27 paıyzyn ǵana quraıdy.
Bul jóninde oblys ákimi Qyrymbek Kósherbaev oblystyq ákimdiktiń apparat májilisinde óz pikirin bildirdi.
«Biz ishki saıasatymyzdy derbez júrgizetin memleketpiz. Ózimizdiń qundylyqtar, ózimizdiń ishki saıasatymyz bar. Baıqońyrdaǵy qazaqstandyq azamattar eń birinshi aqparatty ózimizdiń ulttyq telearnalardan alýy tıis», - dep atap ótti oblys ákimi.
Aıta ketsek, 2019 jyldyń 1 shildesine deıin Qyzylorda, Ońtústik Qazaqstan, Atyraý, Almaty oblystaryn tsıfrlyq efırlik teleradıo habarlaryn taratýǵa kóshirý josparlanyp otyr.
Ádiljan Úmbet
Foto: magspace.ru