Baıqońyr týrısterdi qabyldaýǵa daıyn

ASTANA. QazAqparat - Búginde Baıqońyrdyń týrıstik ınfraqurylymy 300-ge jýyq adamdy qabyldaýǵa qaýqarly. Suranystyń ósýine baılanysty bul kórsetkish aldaǵy ýaqytta artady, dep habarlady Jerdegi ǵarysh ınfraqurylymdar nysandaryn paıdalaný ortalyǵy bas dırektorynyń mindetin atqarýshy Rano Djýraeva.

Juma kúni qaıta qalpyna keltirýden keıin «Kraınıı» aerodromynyń ushý-qoný jolaǵy ashyldy. Osylaısha, 2013 jyly ýaqytsha toqtatylǵan ǵarysh aılaǵy men Baıqońyr qalasy arasyndaǵy áýe baǵyty qalpyna keltirildi. Qalpyna keltirý jumystarynan keıin ushý-qoný jolaǵy 3100 metrge deıin uzardy, endi «Kraınıı» barlyq áýe kemelerin qabyldaı alady, dep habarlady «RIA Novostı» agenttigi.

«Baıqońyrǵa barǵysy keletin týrısterge qonaq úıden 300 oryn bóle alamyz. Baıqońyrǵa barýǵa degen suranysty anyqtaǵymyz keledi. Sonymen qatar, qazir eki qonaq úı salynyp jatyr. Olar bıyl qoldanysqa berilip, týrısttik ınfraqurylymǵa engizilýi múmkin», - dedi Djýraeva.
Onyń sózine qaraǵanda, aǵymdaǵy jyldan Baıqońyrǵa týrıstterdiń kelýine jaǵdaı jasaıtyn reseılik kompanııalardyń tizimi qurastyryldy.
Eske sala keteıik, osyǵan deıin Baıqońyr jáne Vostochnyı ǵarysh aılaqtarynda 40-tan astam operator týrızmdi damytatynyn habarlady. Olardyń 6-y Reseı aımaqtarynyń, 7-ýi Qazaqstannyń jáne 1-ýi Ózbekstannyń týrıstik operatorlary.