Baıqońyr turǵyndaryna medıtsınalyq kómek kórsetý zańyna ózgerister engizildi

ASTANA. QazAqparat - Memleket basshysy Nursultan Nazarbaev «Baıqońyr» ǵarysh aılaǵyndaǵy, Baıqońyr qalasy men oǵan jaqyn ornalasqan eldi mekender turǵyndaryna medıtsınalyq kómek kórsetý týraly úkimetaralyq kelisimge engizilgen ózgeristerge qol qoıdy. Bul týraly Aqordanyń baspasóz qyzmetinen málim etti.

Memleket basshysy «2009 jylǵy 17 qarashadaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Reseı Federatsııasynyń «Baıqońyr» keshenin jalǵa alý jaǵdaıynda Baıqońyr ǵarysh aılaǵynyń personalyna, Baıqońyr qalasynyń, Tóretam jáne Aqaı kentteriniń turǵyndaryna medıtsınalyq qyzmet kórsetý tártibi týraly kelisimge ózgerister engizý týraly hattamany ratıfıkatsııalaý týraly» Qazaqstan Respýblıkasynyń Zańyna qol qoıdy

Zańnyń mátini baspasózde jarııalanady.