Baıqońyr Syrdarııa ózenindegi sý tasqyny jaǵdaıyna daıyndyq júrgizýde
BAIQOŃYR. QazAqparat - Syrdarııa ózenindegi sý tasqyny ahýalyn baqylaý úshin qurylǵan Vedomstvoaralyq jedel top (VJT) Baıqońyrdaǵy qalalyq kásiporyndar men mekemelerdiń sý tasqynyna daıyndyqtaryn tekserdi, dep habarlaıdy «QazAqparat» HAA tilshisi.
VJT músheleri qorǵanys dambalary men sýjetekterdi, tehnıkalardy tekserip, jalpy bilim berý uıymdary bazasyndaǵy ýaqytsha ornalastyrý beketterine bardy.
Arnaıy komıssııa tekserýdiń qorytyndysyn habarlaǵandaı, Syrdarııa ózeniniń arnasynda muz qursaýy jatyr, sýdyń deńgeıi qalypty, qorǵanys qurylystary jaramdy kúıde. Ýaqytsha ornalastyrý beketteri halyqty qabyldaýǵa daıyn.
VJT Qyzylorda oblystyq tótenshe jaǵdaılar qyzmetimen tyǵyz baılanysta, dep atap ótti qala ákimshiliginiń baspasóz qyzmetinen.
