Baıqońyr «Proton-M» zymyran tasyǵyshyn oıdaǵydaı ushyryp, 2013 jylǵy ushyrý baǵdarlamasyn aıaqtady

BAIQOŃYR. 26 jeltoqsan. QazAqparat - «Brız-M» údetkish blogy jáne reseılik «Ekspress-AM5» kommýnıkatsııalyq ǵarysh apparaty bar «Proton-M» zymyran tasyǵyshy Baıqońyr ǵarysh aılaǵynyń 81-inshi alańynan búgin eseptelgen ýaqyt boıynsha Astana ýaqytymen saǵat 16:50-de ushyryldy.

Roskosmostyń baspasóz qyzmetinen habarlaǵandaı, «Brız-M» údetkish blogy (ÚB) jáne «Ekspress AM-5» baılanys spýtnıgi bar bas ǵaryshtyq bóliginiń bólinýi ushyrylýdyń onynshy mınýtynda saǵat 16:59-da shtattyq tártipte ótti. Ǵarysh apparatynyń údetkish bloktan bólinýi 27 jeltoqsanǵa belgilengen.