Baıqońyr kesheninde 15 mln. rýbl jymqyrylǵany anyqtaldy

ASTANA. 27 maýsym. QazAqparat - RF ІІM Ekonomıkalyq qaýipsizdik jáne sybaılas jemqorlyqqa qarsy áreket etý bóliminiń qyzmetkerleri Baıqońyr kesheninde 15 mln. rýbl jymqyrylǵanyn anyqtaǵan .

Bul týraly Máskeý oblysy boıynsha ІІM MM baspasóz qyzmetine silteme jasap RBK habarlady.

Kúsh qurylymdary «Asa iri kólemdegi alaıaqtyq» baby boıynsha qylmystyq is qozǵady. Jymqyrý aty jarııalanbaǵan jergilikti memlekettik ýnıtarlyq kásiporyndardyń birinde júzege asyrylǵan.

Resmı aıyp kimge taǵylǵany ázirge belgisiz. Qylmystyq isti tergeý jalǵasýda.

Qazirgi kelisimge sáıkes, Reseı Qazaqstannan Baıqońyrdy 2050 jylǵa deıin jalǵa alady. Keshendi jalǵa alý aqysy jylyna 115 mln. dollardy quraıdy, ǵarysh aılaǵyn paıdalanýǵa Máskeý 5 mlrd. rýbl jumsaıdy.