Baıqońyr Qazaqstannyń ıýrısdıktsııasyna ótýi múmkin - T. Musabaev
Búgin Parlament Májilisinde ótken Úkimet saǵatynda Ulttyq ǵarysh agenttiginiń tóraǵasy Talǵat Musabaev osylaı málim etti.
«Shynymen, 1994 jyly bir ǵana durys sheshim qabyldandy jáne buǵan Memleket basshysy N. Nazarbaev tabandylyq kórsetti bul - Baıqońyr keshenin jalǵa berý týraly sheshim bolatyn. Tipti ol tusta keshenniń eksplýatatsııasyna tek ony ustap turýǵa eshbir múmkindikter bolmaǵan sekildi edi. Sondyqtan da, eń bir naqty sheshim qabyldanyp jyl saıyn keshendi 115 mln. dollarǵa jalǵa berý týraly shart jasaldy. Bul óz nátıjesin de berdi. Nátıjesinde ǵarysh aılaǵy quryp ketken joq, qyzmetin atqaryp ta jatyr, tipti, birshama damyp ta keledi», -dedi T.Musabaev.
Agenttik tóraǵasynyń aıtýynsha, keshendi jalǵa berýge qatysty úlken problemalar týyndaǵan bolatyn. Onyń ishinde óziniń eliniń aýmaǵynda turatyn Qazaqstan azamattarynyń Reseı Federatsııasynyń ıýrısdıktsııasymen ómir súrýi de jaǵdaıdy kúrdelendirip tastaǵan. «Sondyqtan da, búgingi tańda Baıqońyr qalasyn Qazaqstannyń ıýrısdıktsııasyna berý , sondaı-aq ǵarysh aılaǵynan jalǵa berýden shyǵarý týraly másele qarastyrylyp jatyr», - dedi agenttik basshysy.
