Baıqońyr qalasynyń aýmaǵy táýlik boıy vıdeobaqylaýmen qamtylǵan
Qala perımetrin vıdeobaqylaý bólimi Baıqońyr qalasy ákimshiliginiń buıryǵymen 2018 jyldyń qazan aıynda «BaıqońyrBaılanysInform» kásipornynda qurylǵan.
Vıdeobaqylaý bóliminiń basshysy ıÝrıı Lýkavskıı bólimniń basty mindeti - perımetr boıynsha táýlik boıy vıdeobaqylaý júrgizý, quqyqbuzýshylyqtardy tirkeý jáne olar týraly polıtsııaǵa shuǵyl habarlaý ekenin aıtyp berdi. «Bólim jumys istegen eki aıdyń ishinde perımetr qorshaýyn buzýdyń 10 áreketi jáne kabeldi urlaýdyń joly kesildi. Vıdeomaterıaldar «Baıqońyr» keshenindegi Reseı ІІMB-ǵa jiberiledi», - dep atap ótti ıÝ.Lýkavskıı.
Qala ákimshiligi baspasóz qyzmetiniń málimetinshe, qazirgi kezde vıdeobaqylaý bóliminiń «Baıqońyr» keshenindegi Reseı ІІMB-men jáne QR ІІM-niń Baıqońyr qalasyndaǵy ókildigimen jumys algorıtmin kelisý protsesi júrgizilýde.
Qala perımetrin táýlik boıy vıdeobaqylaý jáne quqyq buzýshylyqtardy jedel eleý qalaǵa zańsyz kirýdiń aldyn alyp, Baıqońyr aýmaǵyndaǵy qaýipsizdikti nyǵaıtýǵa múmkindik beredi, delingen habarlamada.
Eske sala keteıik, Qazaqstan Respýblıkasynyń ákimshilik-aýmaqtyq birligi bolyp tabylatyn Baıqońyr qalasy, sonymen qatar ǵarysh keshenin jalǵa alý jaǵdaıynda Reseı Federatsııasynyń quzyretinde jáne federaldyq mańyzy bar qala mártebesine ıe.