Baıqońyr qalasynda sý basý saldary joıyldy

BAIQOŃYR. QazAqparat - Ótken demalys kúnderi turǵyn úı-kommýnaldyq sharýashylyǵy qyzmetteri Baıqońyr qalasyndaǵy sý basý saldaryn joıý boıynsha jumystardyń negizgi bóligin aıaqtady, dep habarlaıdy QazAqparat tilshisi.

Qardyń erýi men sý qubyrynyń jarylýy saldarynan 7-shaǵyn aýdanynda arnaıy tehnıkanyń kómegimen sý soryp alynyp, muzdar shyǵaryldy. Dúısenbi, 5 naýryzdaǵy jaǵdaı boıynsha, №5 úıdiń jertólesi tolyǵymen sýdan tazartyldy, 4-shaǵyn aýdandaǵy №3 úıdegi sýdy sorý jumystary jalǵasýda.

Qalalyq TKSh basqarmasynan málim  etkendeı, Avıatsıonnaıa kóshesinde qozǵalys qalpyna keltirildi.

Eske sala keteıik, Baıqońyr qalasynyń bıligi bir apta boıy sý qubyrynyń jarylýy men aıaz saldarynan ýshyǵa túsken sý tasqyny jaǵdaılarymen kúresip keledi.