Baıqońyr qalasynda er adam júkti áıelin uryp óltirgen
BAIQOŃYR. QazAqparat - Reseı ІІMB baspasóz qyzmetiniń habarlaýynsha, «Baıqońyr» kesheninde óziniń júkti áıelin óltirdi degen kúdikpen er adam ustaldy.
«Baıqońyr» keshenindegi kezekshilik bólimge №1 qalalyq aýrýhanadan qabyldaý bólimine 30 jastaǵy áıel jetkizilgeni aıtyldy. Aldyn ala dıagnoz boıynsha, onyń bas súıegi aýyr zaqymdanǵan. Júktiliktiń 39 aptasynda bolǵan áıel alynǵan jaraqattar saldarynan ajal qushty.
Azamatshanyń úıine tártip saqshylary jóneltildi. Ol jerden japa shegýshiniń 38 jastaǵy kúıeýi ustaldy.
«Baıqońyr» keshenindegi Reseı tergeý komıteti atalǵan fakti boıynsha RF QK 111 baby 4 bólimi (qarastyrylǵan densaýlyqqa qasaqana zııan keltirý) boıynsha qylmystyq is qozǵady.
Atalǵan baptyń sanktsııasynda 15 jylǵa deıin bas bostandyǵynan aıyrý qarastyrylǵan.
