Baıqońyr qalasynda altynqursaqty ana balalarymen birge saılaýǵa keldi

BAIQOŃYR. QazAqparat - Baıqońyr qalasynda turatyn 8 balanyń anasy Janat Júginisova jubaıy jáne balalarymen birge saılaýǵa kelip, daýys berdi, dep habarlaıdy QazAqparat.

Altynqursaqty ana el úshin eleýli kúnde árbir azamattyń daýysy mańyzdy ekenin tilge tıek etip, otbasymen birge óz tańdaýyn jasady.

Balalardy saıası naýqannan qaldyrmaý – kópbalaly otbasynyń qaǵıdasyna aınalǵan. Sebebi «Altyn alqa» ıegeri osy kezge deıingi saılaýlarda barlyǵyna da balalarymen kelgen.

Otbasynyń úlkeni kámelettik jasqa tolyp daýys berse, kenje balalarǵa táttiler úlestirildi.

Bul kúni Baıqońyrdaǵy ǵarysh aılaǵynyń birqatar alańynda vahtalyq ádiste jumys isteıtin 40-qa jýyq QR azamattaryna da kóshpeli daýys berý qyzmeti uıymdastyryldy.

Qyzmet babynyń ereksheligine qaraı ǵarysh aılaǵy jumysshylaryna arnaıy kóshpeli daýys berý qyzmeti uıymdastyrylyp, ǵarysh salasy mamandarynyń tolyqtaı saıası naýqanǵa qatysýyna múmkindik jasaldy.

Sondaı-aq, Baıqońyr qalasynyń kópbeıindi aýrýhanasynda 100-den astam em alýshylar daýys berdi.

Baıqońyrda 11 saılaý ýchastogy bar. Onda 21198 saılaýshy tirkelgen.