Baıqońyr qalasynda 53 jastaǵy azamat Syrdarııa ózenine batyp ketti

BAIQOŃYR. QazAqparat - Baıqoyńr qalasynda 53 jastaǵy azamat Syrdarııa ózenine sýǵa batyp ketti, dep habarlaıdy QazAqparat tilshisi.

Oqıǵa 9 aqpan saǵat 18.30 shamasynda bolǵan.

Baıqońyr qalasyndaǵy «Maıak» sport kesheni tusynda 1968 jyly dúnıege kelgen azamat darııaǵa batyp ketken.

Baıqońyr qalasynda turǵan azamatty izdestirý júmystaryna 4 qutqarýshy jumyldyryldy.

Darııaǵa balyq aýlaý maqsatynda qaıyqpen 4 adam shyqqan. Muz jarylyp, bir adam sýǵa batyp ketedi. Qasyndaǵy adamdardyń ony qutqarýǵa múmkindigi bolmaǵan.

«Tótenshe jaǵdaılar departamentine bul jónindegi habar 20.00 shamasynda túsken. Qazir oqıǵa ornynda 2 qutqarýshy, 2 súńgýirler toby bir qaıyqpen izdestirý jumystaryn júrgizýde», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, Qyzylorda oblysynda jyl basynan beri 8 órt oqıǵasy tirkelgen.