Baıqońyr qalasyn erigen qar sýy basty
Qalalyq ákimshiliktiń baspasóz qyzmetinen habarlaǵandaı, qardyń jyldam erýi aýa temperatýrasynyń kenetten joǵarylaýy men jaýyn-shashyn saldarynan bolǵan.
Topyraqtyń tońazý deńgeıiniń tereńdiginen jáne nóser sýy aǵatyn júıeniń bolmaýynan birqatar jeke úılerdiń aýlalary men avtomobıl joldaryn sý basty.
Baıqońyrda sý tasqynymen kúres ekinshi táýlik boıy júrgizilip jatyr. 27 aqpanda kúni boıy jáne 27-nen 28 aqpanǵa qaraǵan túni turǵyn úı sharýashylyǵy jáne qalalyq sý arnasy kásiporyndary qyzmetkerleriniń kúshimen Avıatsıonnyı, Maksımov jáne Sovetskıı kóshelerinde, Korolev jáne Gagarın dańǵyldarynda, 6A jáne 7 shaǵyn aýdandarda sý aıdaldy.
Sýdy sorý jumystaryna nasosy bar 2 kólik pen 3 motopompa jumyldyryldy. Tasqyn saldaryn joıý jumystary jalǵasýda, dep málim etti qala ákimdigi baspasóz qyzmetiniń basshysy Elena Mıtrofanova.