Baıqońyr irgesi qalanǵanyna 63 jyl tolýyn atap ótip jatyr
Baıqońyr - jıyrmaǵa jýyq merekeni atap ótetin álemdegi az qalalardyń biri. Sebebi, ondaǵy halyq Qazaqstannyń da, Reseıdiń de aıtýly meıramdaryn, keńes ǵarysh salasynyń tarıhı datalaryn nazardan tys qaldyrmaıdy. Solardyń biri - Baıqońyrdyń týǵan kúni.
1955 jyldyń 2 maýsymynda KSRO Mınıstrler keńesi Bas shtabynyń nusqaýymen №5 (Baıqońyr ǵarysh aılaǵy) ǵylymı-zertteý ári synaq polıgonynyń uıymdyq-shtattyq qurylymy bekitildi. Odan keıin dál osy kún tarıh paraqshalaryna Baıqońyr ǵarysh aılaǵynyń irgesiniń qalanǵany kúni retinde engizildi.
Búgin Baıqońyr ataýly kúndi jańartylǵan demalys aýmaǵynda kóptegen sporttyq sharalarmen atap ótti.
Negizgi merekelik sharalar búgin qalanyń basty alańynda uıymdastyrylady. Ol jerde Baıqońyrdyń eń úzdik otbasy kim ekeni anyqtalyp, iri merekelik kontsert ótedi. Kontsert sońynda otshashý bolady.
Dástúr boıynsha qala kúnin toılaý kezinde «Baıqońyr qalasynyń Qurmetti azamaty» ataǵy beriledi. Bıyl dál osy tizimdi «Baıqońyr» ǵarysh keshenine eńbegi sińgen, KSRO Qarýly kúshteriniń ardageri, ǵarysh aılaǵyn eńbek sińirgen synaqshysy, Baıqońyrdyń irgesiniń qalaýyna úles qosqan ıÝrıı Lýkıanov pen Baıqońyr qalasynyń ári «Baıqońyrenergo» kásiporynyń ardageri Nına Vladımırtseva tolyqtyrdy.
ıÝrıı Lýkıanov Baıqońyr ǵarysh aılaǵynda 1968 jyldan beri áıgili «Gagarın startynda» qyzmet etip keledi. Óz ómirinde zymyran-ǵaryshtyq kesheninde 150 ushý saparyn júzege asyrýǵa qatysqan.
Nına Vladımırtseva burynǵy qalalyq JES - qazirgi «Baıqońyrenergo» kásipornynda 1957 jyldan, ıaǵnı shamamen qalanyń irgesi qalanǵanynan bastap eńbek etip keledi. Jumystan birneshe jyl buryn shyqqan. Qazir jasy seksende.
«Baıqońyrdyń Qurmetti azamaty» lentasy men kýáligin ıelerlerge Baıqońyr qalasy ákimshiliginiń basshysy Konstantın Býsygın tabys etti.
Avtor: Sara Qabıqyzy
