Baıqońyr ǵarysh aılaǵynda er adamdar áıelderge erekshe quttyqtaý joldady
BAIQOŃYR. QazAqparat - Baıqońyr er azamattary áıelder úshin erekshe quttyqtaý oılap tapty, dep habarlaıdy «QazAqparat» HAA tilshisi.
Ǵarysh aılaǵynyń burynǵy áskerı shtaby, qazir Baıqońyrdaǵy Roskosmos negizgi kásiporyndarynyń biri - Jerde ǵarysh ınfraqurylymyn paıdalaný ortalyǵynyń (JǴIPO) ortalyq keńsesi ornalasqan qaladaǵy ortalyq alańda 8 naýryz qarsańynda qara tústi avtomobılderdiń kómegimen quttyqtaý jasalǵan.
Barlyq áıelderge arnalǵan tosynsyıdy JǴIPO qyzmetkerleri daıyndaǵan bolyp shyqty.
8 naýryz kúni jáne merekelik demalys kúnderi Baıqońyr áıelderi osyndaı biregeı quttyqtaýdy alyp jatyr.
«Biz bul rolıkti barlyq áıelderdiń, ásirese Baıqońyrdy ózine qymbat sanaıtyn názik jandardyń ǵarysh aılaǵyndaǵy arnaýdy kórýi úshin youtube jelisine jarııaladyq», - dedi quttyqtaýdy uıymdastyrýshylar.
Baıqońyr qalasynda meıramǵa oraı kóptegen merekelik is-sharalar ótip jatyr.
