Baıqońyr ǵarysh aılaǵynda 2015 jylǵy birinshi ushyrylymǵa daıyndyq bastaldy

BAIQOŃYR. QazAqparat - Roskosmos 2015 jyly Baıqońyr ǵarysh aılaǵynan ushyrylym baǵdarlamasyn 30 qańtarda bastaıdy. Bul kúni brıtandyq «Inmarsat-5F2» baılanys serigimen «Inmarsat-5F2» zymyran-tasyǵyshyn ushyrý josparlanǵan.

Baspasóz qyzmetiniń aqparatyna súıensek, «Inmarsat-5F2» telekommýnıkatsııalyq ǵarysh appatarty Baıqońyrǵa 2014 jylǵy 18 jeltoqsanda jetkizilgen. 92A-50 alańynyń montajdaý-synaý korpýsynda «Boıng» daıyndaýshy kompanııasy ǵarysh baǵdarlamalary bólimshesiniń mamandary birden ony daıyndaýǵa jáne avtonomdyq tekserýge kirisip ketti.

Munymen bir ýaqytta Reseıdiń zymyran-ǵaryshtyq salasy kásiporyndarynyń esebi ǵarysh apparatyn shyǵarý quraldary men jer ústi ǵarysh ınfraqurylymyn daıyndaýǵa kiristi.

«Proton» zymyran-tasyǵyshy men «Brız-M» júrdek blogyn «M.V. Hrýnıchev atyndaǵy memlekettik ǵarysh ǵylymı-óndiristik ortalyǵy» ázirlep, serııalyq daıyndaýda. «Brız-M» júrdek blogymen jaraqtalǵan, jańǵyrtylǵan «Proton-M» geoótpeli orbıtasyna 6 tonnadan astam paıdaly júktemeni jetkizýge qabiletti.

«Inmarsat-5F2» - (I-5) besinshi urpaqtyń «Inmarsat» úsh seriginiń ekinshisi, Soltústik jáne Ońtústik Amerıka jáne Atlantıka aýmaǵynda baılanys qyzmetterin kórsetýge arnalǵan.

I-5 serııasy serikteriniń alǵashqysy 2013 jylǵy jeltoqsanda «Proton-M» zymyran-tasyǵyshy kómegimen oıdaǵydaı ushyryldy, dep atap Roskosmos baspasóz qyzmeti.