Baıqońyr ǵarysh aılaǵynan «Soıýz-FG» zymyrany ushyrylady
ASTANA. 21 qazan. QazAqparat - Baıqońyr ǵarysh aılaǵynda «Soıýz TMA-06M» ǵarysh kemesi bar «Soıýz-FG» zymyranynyń ushyrylýyna daıyndyq jalǵasyp jatyr.
23-shi qazanda Halyqaralyq ǵarysh stansasyna 33/34-shi ekspedıtsııanyń ekıpajy attanady. Olar Reseıǵaryshtyń kosmonavty Oleg Novıtskıı, Evgenıı Tarelkın men NASA avstronavty Kevın Ford, dep habarlaıdy BNews.kz atalmysh vedomstvonyń baspasóz qyzmetine silteme jasap.
Ekıpaj músheleri kún saıyn ǵarysh aılaǵyna baryp, skafandrlaryn tekseredi, «Soıýzda» jattyǵý jasaıdy.
«Ekıpaj qazir tolyǵymen daıyn, tek belgilengen kúndi kútip júr. Barlyǵymyz, orys ne aǵylshyn tilinde sóılesemiz, ázildeımiz, psıhologııalyq ahýal óte jaqsy», dedi «Soıýz TMA-06M» kemesi ekıpajynyń kamandıri Oleg Novıtskıı.
