«Baıqońyr» ǵarysh aılaǵynan «Proton-M» zymyrantasymaldaǵyshymen «Arabsat-5B» ǵarysh apparaty ushyryldy
ASTANA. Maýsymnyń 4-i. QazAqparat - Juma, maýsymnyń 4-i kúni saǵat 04.00-te «Baıqońyr» ǵarysh aılaǵynan Proton-M» zymyrantasymaldaǵyshymen «Arabsat-5B» ǵarysh apparaty ushyryldy, dep habarlady Tótenshe jaǵdaılar mınıstrliginiń baspasóz qyzmetinen.
Zymyrannyń ushý sapary shtattyq rejımde ótti. «Ushyrýmen baılanysty oryn alýy yqtımal saldarlardy joıý úshin saǵat 02.00 men 05.00-tiń aralyǵynda Shyǵys Qazaqstan, Qaraǵandy, Qyzylorda jáne Pavlodar oblystarynyń tótenshe jaǵdaılar jónindegi departamentteriniń apattyq-qutqarý kúshteri men tehnıkalary joǵary daıyndyq rejıminde jumys istedi»,- delingen habarlamada.
«Arabsat-5B» telekommýnıkatsııalyq ǵarysh apparaty - saýdııalyq ulttyq operatorǵa tıesili. Ony eýropalyq «Astrıým» (Astrium) jáne «Alenııa Speıs» (Alenia Space) kontsernderi «Evrostar-3000 (Eurostar-3000) platformasynyń bazasynda jasaǵan.
