«Baıqońyr» ǵarysh aılaǵynan «KA-SAT» eýropalyq spýtnıkpen birge «Proton-M» zymyrantasymaldaǵyshyn ushyrý bir aptaǵa shegerildi
BAIQOŃYR. 20 jeltoqsan. QazAqparat /Sara Qabıqyzy/ - Búgin, 20 jeltoqsan kúni ushady dep josparlanǵan «KA-SAT» eýropalyq spýtnıgi bar «Proton-M» zymyrantasymaldaǵyshyn ushyrý shegerildi, dep habarlanǵan Reseıǵarysh saıtynda.
«KA-SAT» eýropalyq spýtnıkpen birge «Proton-M» zymyrantasymaldaǵyshyn ushyrý ýaqytyn belgilý sheshimin Memlekettik komıssııa aıtady, dep habarlady Reseıǵarysh jetekshisiniń orynbasary Vıtalıı Davydov. «Ázirge bıylǵy jylǵy ushyrý keıinge qaldyrylǵan joq», - dedi ol.
Sarapshylardyń pikirinshe, «Proton» zymyrantasymaldaǵyshynyń kómegimen ushyrylǵan úsh «Glonass-M» spýtnıgi joǵalyp ketken soń «Baıqońyr» ǵarysh aılaǵynda osy jolǵy ushyrýǵa daıyndyq ýaqytsha toqtatylǵandyqtan , osy ushyrý ýaqyty shegerilip otyr.
Biraq jer serikteriniń joǵalyp ketýi jónindegi vedomstvoaralyq komıssııa jetekshisi Gennadıı Raıkýnovtyń oıynsha, eýropalyq serigi bar «Proton-M» zymyrantasymaldaǵyshyn ushyrýdy keıinge qaldyrý úshin mańyzdy sebepter joq, óıtkeni bıylǵy jyldyń 5 jeltoqsany kúni bolǵan shtattan tys oqıǵaǵa «Proton-M» sebep bolyp tabylmaıdy.
M. V. Hrýnıchev atyndaǵy memlekettik ǵylymı-óndiristik ǵarysh ortalyǵy ári «Proton» zymyrantasymaldaǵyshyn jasap shyǵarýshy ortalyqtyń aqparaty boıynsha «KA-SAT» eýropalyq spýtnıgi bar «Proton-M» zymyrantasymaldaǵyshynyń ushyrylýy 2010 jylǵy jetoqsan aıynyń sońyna josparlanýy múmkin.
