«Baıqońyr» ǵarysh aılaǵynan gollandııalyq «NSS-14» jer serigi ushyryldy

BAIQOŃYR. 15 aqpan. QazAqparat - Búgin Astan ýaqytymen túngi saǵat 1-den 36 mınýt ketkende «Baıqońyr» ǵarysh aılaǵynyń 200-inshi ushyrý kesheninen «Brız-M» údetkish bolgy (ÚB) men «NSS-14» kommýnakatsııalyq ǵarysh apparaty (KA) bar «Proton-M» ǵaryshtyq maqsattaǵy raketasy ushyryldy.

Reseıdiń ǵarysh agentiginiń baspasóz qyzmetinen habarlaǵandaı, ushýdyń tsıklogrammasyna sáıkes, ushyrylýdan 10 mınýttan keıin quramynda «Brız-M» ÚB jáne «NSS-14» KA bar basty blok raketa-tasymaldaǵyshtyń úshinshi satysynan shtattyq túrde ajyrady. Odan keıin ÚB ǵarysh apparatyn nysanaly orbıtaǵa shyǵarýdy jalǵastyrdy.

Ǵarysh apparaty zymyran tasymaldaǵyshtan búgin, Astana ýaqytymen saǵat 10.48-de ajyratylady.

Esterińizge sala keteıik, «Brız-M» údetý bolgy dáne «NSS-14» baılanys spýtnıgi bar «Proton-M» zymyran-tasymaldaǵyshyn ushyrý bastapqyda 2011 jylǵy jeltoqsannyń sońyna josparlanǵan bolatyn, biraq tehnıkalyq sebepterge baılanysty birneshe ret keıingi qaldyryldy.   

Spýtnıkti «Nıý Skaıs Sattelaıtıs» (Nıderlandy) kompanııasynyń tapsyry boıynsha AQSh-tyń «Space Systems/Loral» kompanııasy daıyndady. Onyń orbıtada jumys isteýi 15 jylǵa eseptelgen. Ǵarysh apparatynyń salmaǵy 5,8 tonnany quraıdy, onda S-dıapozondy 52 transponder jáne Ku-dıapazondy 72 transponder ornatylǵan.  

«NSS-14» tellekommýnıkatsııalyq ǵarysh aılaǵy Shyǵys Eýropa, Batys Afrıka, Soltústik jáne Ońtústik Amerıka aýmaǵynda qyzmet kórsetý úshin arnalǵan.