«Baıqońyr» ǵarysh aılaǵynan «Globalstar-2» ǵarysh apparaty ushyryldy
STANA. Qazannyń 20-sy. QazAqparat - Keshe astana ýaqyty boıynsha 23:11-de «Baıqońyr» ǵarysh aılaǵynan «Soıýz-2.1a» zymyran tasyǵyshymen «Globalstar-2» (6 KA) ǵarysh apparaty ushyryldy. Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Vedomstvonyń habarlaýynsha, zymyrannyń ushyrylýy shtattyq baǵdarlamaǵa sáıkes júzege asyryldy. Ushyrýǵa baılanysty yqtımal tótenshe jaǵdaılardyń aldyn alý úshin keshe saǵat 21:11-den 00:11-ge deıin QR TJM-niń Shyǵys Qazaqstan, Qaraǵandy, Qyzylorda jáne Pavlodar oblystyq tótenshe jaǵdaılar departamentteriniń apattyq-qutqarý kúshteri joǵary daıyndyq rejiminde boldy.
