«Baıqońyr» ǵarysh aılaǵyna «QazSat-2»-ni ushyrý úshin «Proton-M» zymyran tasyǵyshy jetkizildi
BAIQOŃYR. 9 jeltoqsan. QazAqparat /Sara Qabıqyzy/ - 8 jeltoqsanda «Baıqońyr» ǵarysh aılaǵyna «QazSat-2» qazaqstandyq jer serigin ushyrý úshin «Proton-M» zymyran tasyǵyshy jetkizildi, dep habarlaıdy «Ońtústik» ǵarysh ortalyǵynyń baspasóz qyzmeti.
«Proton-M» zymyran tasyǵyshy temirjol arqyly ǵarysh aılaǵyna shekaralas ornalasqan Tóretam stansysyna kelip jetti. Tıisti kedendik tekserýlerden keıin zymyran tıelgen temirjol kóligi «Baıqońyr» ǵarysh aılaǵynyń 92 alańyna jetkizildi.
Búgin tańerteń ǵarysh aılaǵynyń 92A-50 alańyndaǵy qurastyrý-synaqtan ótkerý ǵımaratynda M.Hrýnıchev atyndaǵy Memlekettik ǵylymı-óndiristik ǵarysh ortalyǵy men «Ońtústik» ǵarysh ortalyǵynyń mamandary vagondardan zymyran tasyǵyshtyń bloktaryn túsirýge kirisip ketti.
