«Baıqońyr» ǵarysh aılaǵyna qatysty kelisimge ózgerister engiziledi - Senat
Onda «1999 jylǵy 18 qarashada jasalǵan Qazaqstan Respýblıkasynyń Ykimeti men Reseı Federatsııasy Úkimetiniń arasyndaǵy «Baıqońyr» ǵarysh aılaǵynan zymyrandardy jiberý kezinde avarııalar bolǵan jaǵdaıdaǵy ózara is-qımyl tártibi týraly kelisimge ózgerister engizý týraly Hattamany ratıfıkatsııalaý týraly» zań jobasy talqylandy. Qujat aldaǵy ýaqytta ótetin palatanyń jalpy otyrysyna shyǵarylady.
«Qazaqstan men Reseı arasyndaǵy kelisimge ózgerister engizilgen Hattamaǵa 2015 jyldyń 2 maýsymynda qol qoıylǵan. Hattamada negizinen «Baıqońyr» ǵarysh aılaǵynan zymyrandy ushyrý barysynda apattar oryn alǵan jaǵdaıda qurylatyn komıssııalar, birlesken shtabtar men ýákiletti organdardyń quzyretteri naqtylanady», - dedi Іshki ister vıtse-mınıstri Vladımır Bojko.
Toqtala ketetin jaıt, kelisimge ózgerister engizýge Qazaqstan tarapy bastamashylyq jasaǵan. Óıtkeni, buǵan deıin «Baıqońyrda» oryn alǵan apatqa baılanysty onyń saldaryn joıý protsesinde birqatar máseleler týyndaǵan bolatyn. Mundaı saldardy retteý qoldanystaǵy kelisimderde kórsetilmegen. Osyǵan baılanysty 2015 jyly eki tarap ortaq mámilege kelip, hattamaǵa qol qoıyldy.
Vıtse-mınıstr Vladımır Bojkonyń aıtýynsha, Kelisimge sáıkes, Reseı tarapy Qazaqstanǵa jospardaǵy ushyrýlar týraly bir aı buryn jáne 15 kún qalǵanda resmı habarlaýy tıis. Ushyrý týraly sońǵy aqparat zymyran ushyrylatyn ýaqyttan 8 saǵat buryn taǵy berilýi shart.
Osyǵan oraı, ushyrýǵa bir táýlik ýaqyt qalǵanda zymyran qaldyqtary qulaıtyn aýmaqtardaǵy tótenshe jaǵdaılar jónindegi bólimsheler áskerı daıyndyqqa keltiriledi. Budan bólek, ózgeristerge sáıkes, eger apat oryn alsa, onda 12 saǵat ishinde komıssııa qurylyp, al bir táýlik ótkende apat saldaryn joıý jónindegi shtab jumysqa kirisetin bolady. Hattamada apat saldaryn joıýǵa qandaı kúshter jumyldyrylatyny naqtylanǵan.
Zań jobasy palatanyń jalpy otyrysyna shyǵarylady.