Baıqońyr Búkilreseılik halyq sanaǵyna qatysýda
BAIQOŃYR. Qazannyń 22-si. QazAqparat /Sara Qabıqyzy/ - Qazannyń 14-25-i aralyǵynda ótip jatqan Búkilreseılik halyq sanaǵyna Baıqońyr qalasy da qatysýda. Sebebi, ǵarysh kesheniniń jaldanýyna baılanysty Baıqońyr qalasy Reseıdiń federaldyq mańyzdaǵy qalasy mártebesine ıe.
«Baıqońyr» kesheniniń aýmaǵyndaǵy Reseı Federatsııasy azamattarynyń sanaǵyn júrgizý jáne uıymdastyrý jónindegi komıssııa tóraǵasynyń orynbasary Mıhaıl Moskalevtiń aıtýynsha, Baıqońyrdaǵy sanaq naýqanyna 70 sanaqshy, 16 nusqaýshy jáne 4 ýchaske meńgerýshisi jumyldyrylyp otyr. Sanaqshylardyń negizin - Máskeý avıatsııalyq ınstıtýty «Shyǵys» fılıalynyń, Baıqońyr elektroradıotehnıkalyq tehnıkýmynyń stýdentteri, qalalyq mekemeler men uıymdardyń qyzmetkerleri quraıdy.
