Baıqońyr ÁKK 852 mln teńgeden astam qarjyny bıýdjetke qaıtarmaǵan
Qyzylorda oblysy boıynsha ishki memlekettik aýdıt departamenti «Baıqońyr áleýmettik kásipkerlik korporatsııasy» AQ óńirlik turaqtandyrý qory arqyly áleýmettik mańyzy bar óndiristik taýarlardyń baǵalaryn turaqtandyrý maqsatynda bólingen qarjynyń paıdalanylýy zańnama talaptaryna sáıkestigine memlekettik aýdıt júrgizildi.
«Aýdıtorlyq is-shara nátıjesinde, 2019-2021 jyldar kezeńinde bıýdjetten bólingen 852 579,9 myń teńgege aımaqtyq turaqtandyrý qoryna áleýmettik mańyzy bar óndiristik taýarlar satyp alynyp, áleýmettik dúkenderge taratylǵan. Alaıda, óńirlik turaqtandyrý qorlaryn qalyptastyrý jáne paıdalaný qaǵıdalaryna qosymshada kórsetilgen úlgilik sharttyń 8-bóligi 1-tarmaǵynyń talaptary saqtalmaı, «Baıqońyr ÁKK» AQ men «Altyn qamba «Agroónerkásiptik kombınaty» JShS arasyndaǵy ekijaqty kelisimge qosymsha kelisim jasalmaǵany, sonymen qatar, azyq-túlik, jemister men kókónisterdi ótkizý boıynsha tólemderdiń 852 579,9 myń teńge somasyndaǵy qarajattardyń bıýdjetke qaıtarylýy qamtamasyz etilmegeni anyqtaldy», - dep jazdy departamentten.
Vedomstvo qoldanylǵan qarjylyq den qoıý sharalary nátıjesinde «Altyn qamba Agroónerkásiptik kombınaty» JShS-nen 92 564,2 myń teńge óndirildi.
Qazirgi tańda 760 015,7 myń teńge kólemindegi buzýshylyqtyń qalǵan bóligin óndirý boıynsha tıisti jumystar júrgizilýde.
Departamenttiń nusqamasy tıisti túrde oryndalmaǵandyqtan aktsıonerlik qoǵam basshysyna Qazaqstan Respýblıkasy ÁQBtK-niń 462-baby 3) tarmaqshasymen ákimshilik hattama toltyrylyp, sonymen qatar, aýdıtorlyq is-shara materıaldary protsestik sheshim qabyldaý úshin quqyq qorǵaý organdaryna joldandy.
