Baıqońyrdan «Soıýz-5» zymyranyn ushyrý keıinge qaldyryldy
ASTANA. KAZINFORM — Qazaqstan Úkimeti 2026 jylǵy 30 naýryzda el aýmaǵynan ǵarysh nysanyn ushyrý týraly qaýly qabyldady.
Qujatqa sáıkes, «Baıqońyr» ǵarysh aılaǵyndaǵy «Báıterek» zymyran-ǵarysh kesheninen «Soıýz-5» zymyran-tasyǵyshy arqyly paıdaly júktemeniń gabarıttik-massalyq maketin 2026 jylǵy 27 naýryzda ushyrý josparlanǵan. Qosymsha kúnder retinde 28 naýryzdan 30 sáýirge deıingi aralyq belgilengen. Qaýly qol qoıylǵan kúnnen bastap kúshine endi.
Alaıda 27 naýryzǵa josparlanǵan ushyrý júzege aspady. Keıin ol 4 sáýirge aýystyrylyp, odan soń qosymsha kúnderdiń birine shegerildi. Qazirgi ýaqytta «Soıýz-5» zymyrany naqty qaı kúni ushyrylatyny belgisiz.
Aıta keteıik, buǵan deıin «Baıqońyr» ǵarysh aılaǵynan «Progress MS-33» ǵarysh kemesi ushyrylǵan edi.
