Baıqońyrdaǵy mektep qazaqstandyq standartqa kóshti
QYZYLORDA. KAZINFORM — Baıqońyr qalasyndaǵy M. K. ıAngel atyndaǵy burynǵy № 7 mektep tolyǵymen Qazaqstan Respýblıkasynyń bilim berý standartyna kóshti.
Qarmaqshy aýdanynyń bilim bólimi habarlaǵandaı, mektep ǵımaraty «Baıqońyr» kesheni jónindegi Qazaqstan-Reseı úkimetaralyq komıssııasynyń birlesken sheshimine sáıkes qala ákimshiliginiń jalǵa berý qorynan shyǵaryldy.
— Ol Qazaqstan Respýblıkasynyń kommýnaldyq menshigine ótip, № 298 orta mektep ataýyn ıelendi. Bilim uıymy jańa oqý jyly qarsańynda halyq ıgiligine paıdalanýǵa berildi. № 298 orta mekteptiń jobalyq qýaty — 790 oryn. Ǵımarattyń jalpy aýmaǵy — 6908,37 sharshy metr. Jańa oqý jylyna daıyndyq aıasynda jóndeý jumysy júrgizilip, mekteptiń materıaldyq-tehnıkalyq bazasy jańardy, — delingen habarlamada.
Sonymen qatar kadrlyq qamtamasyz etý, oqýshy qabyldaý jáne oqý-tárbıe úderisin uıymdastyrý jumysy tolyq aıaqtalyp, mektep jańa oqý jylynda óz jumysyn bastady.
Buǵan deıin habarlaǵanymyzdaı, Baıqońyr qalasynda 11 mektep bar. Onyń 6-y qazaqstandyq bilim berý standarty boıynsha oqytady.
