Baıqońyrda tuńǵysh meshittiń qazyǵy qaǵyldy
QYZYLORDA. KAZINFORM — Qyzylorda oblysynyń Qarmaqshy aýdanynda ornalasqan Baıqońyr qalasynda tuńǵysh meshittiń qazyǵy qaǵyldy.
Saltanatty rásimge Qyzylorda oblysynyń bas ımamy Dastan Qurmanbaev, Baıqońyr qalasy ákimshiligi basshysynyń orynbasary Sergeı Volkov qatysty. Іs-shara barysynda qurban shalynyp, ata-baba rýhyna arnap Quran baǵyshtaldy. Igi bastamaǵa aqsaqaldar batasyn berdi.
— Meshit «Asyl qoldaý» qoǵamdyq qorynyń demeýshiligi esebinen salynady. Eki qabattan turatyn qulshylyq úıi 800 adamǵa shaqtalǵan. Aınalasynda serýen saıabaǵy jáne sýburqaqtar ornalasady. As berýge arnalǵan ashana, balalardyń oıyn alańyn da salý josparlanǵan, — delingen QMDB-nyń Qyzylorda oblysy boıynsha ókildiginiń baspasóz qyzmetiniń habarlamasynda.
2025 jyldyń 2 maýsymynda «Baıqońyr» ǵarysh kesheni ózimen attas qala jáne ǵarysh aılaǵymen birge qurylǵanyna 70 jyl mereıtoıyn atap ótedi.