Baıqońyrda ǵaryshker keıpinde kıingen saılaýshy óz tańdaýyn jasady
QYZYLORDA. KAZINFORM — Baıqońyr qalasyndaǵy № 122 saılaý ýchaskesine erekshe kıimdegi saılaýshy kelip, kópshiliktiń nazaryn aýdardy.
Óńirlik kommýnıkatsııa qyzmeti habarlaǵandaı, belsendi turǵyn Quryltaı depýtattarynyń saılaýyna ǵaryshker kostıýmin kıip kelip, azamattyq tańdaýyn jasady.
— Ǵarysh álemimen tyǵyz baılanysty Baıqońyr qalasynda mundaı beıneniń saılaý ýchaskesinde kórinis tabýy kópshiliktiń qyzyǵýshylyǵyn týdyryp, kóterińki kóńil-kúı syılady. Turǵyndar onymen estelik sýretke túsip, jyly lebizderin bildirdi. Baıqońyr — adamzattyń ǵaryshty ıgerý tarıhynda aıryqsha orny bar, alǵashqy ǵarysh sapary bastalǵan tarıhı meken. Osyǵan oraı ǵaryshker beınesindegi azamattyń dál osy qaladaǵy saılaý ýchaskesine kelip, daýys berýi sımvoldyq mánge ıe, — delingen habarlamada.
Buǵan deıin Qyzylorda qalasyndaǵy № 200 saılaý ýchaskesinde saılaýshylardy arnaıy robot qarsy aldy.
