Baıqońyr ǵarysh aılaǵynan ushyrylǵan zymyrandardy 7,5 myńnan astam týrıst tamashalady
ASTANA. KAZINFORM – 2024 jyly keshenge 11 myńnan astam adam kelgen. Al bıyl jyl basynan beri ǵarysh aılaǵynan 4 zymyran ushyrylyp, olardy 7,5 myńnan astam týrıst baqylaǵan.
«Baıqońyr» keshenindegi ǵarysh týrızmine degen qyzyǵýshylyq jyl saıyn artyp keledi. Qalada qazirgi tańda shamamen 700 nómir qory bar 7 qonaq úı jumys isteıdi.
«Baıqońyr» – álemde teńdesi joq, týrıstik áleýeti joǵary biregeı keshen.
Zymyran ushyrý sátterinde týrıstik baǵdarlamalardy otandyq týroperatorlar uıymdastyratynyn erekshe atap ótken jón.
Keshen aýmaǵyna kirý rásimderin jeńildetý maqsatynda ǵarysh aılaǵyna barýǵa ruqsattardy elektrondy formatta berý tetigin engizý, sondaı-aq negizgi týrıstik nysandarǵa ótinim berý merzimin qysqartý máselesi qarastyrylyp jatyr.
Zymyran-tasyǵyshtardyń ushyrylymyn yńǵaıly tamashalaý úshin 400 oryndyq baqylaý alańy ashylǵan.
Eske sala keteıik, «Baıqońyr» kesheni Qazaqstan Respýblıkasynyń týrıstik salasyn damytýdyń 2023-2029 jyldarǵa arnalǵan tujyrymdamasy aıasynda basym týrıstik baǵyttardyń tizimine engizilgen.
Bul baǵytty júıeli túrde damytý maqsatynda jergilikti atqarýshy organ Qyzylorda oblysynda týrızmdi damytýdyń 2024-2027 jyldarǵa arnalǵan Jol kartasyn bekitti. Qujatta týrıstik ınfraqurylymdy keńeıtý jáne kelýshiler sanyn arttyrý boıynsha naqty sharalar kózdelgen.
Aıta ketelik Baıqońyrdan «Soıýz-5» zymyranyn ushyrý keıinge qaldyryldy.
