Baıkerdiń ólimine kináli qostanaılyq shartty túrde sottaldy
QOSTANAI. QazAqparat - Qostanaıda mototsıklshiniń ólimine ákelip soqqan jol apatyna baılanysty sot otyrysy ótti, dep habarlaıdy «QazAqparat» HAA tilshisi sot zalynan.
Eske salsaq, 2017 jylǵy 21 qyrkúıek kúni Qostanaı qalasynyń Abaı dańǵylynda Infiniti men Peugeot kólikteri soqtyǵysyp, olardyń biri mototsıklge baryp soǵylǵan. Soqqynyń qatty bolǵany sonshalyq, mototsıkl jaramsyz bolyp qalǵan. Al 32 jastaǵy kásibı baıker Evgenıı Pasechnık oqıǵa ornynda kóz jumdy.
Atalǵan oqıǵaǵa qatysty qozǵalǵan qylmystyq istiń tergelý barysyn protsessýaldyq prokýror óz baqylaýyna alǵan. Sotta ótken jaryssózde memlekettik aıyptaýshy Infiniti kóliginiń júrgizýshisi ıÝlııa Vılchýkti 4 jylǵa bas bostandyǵynan aıyrýdy jáne 5 jyl kólik júrgizý quqyǵynan shettetýdi surady.
Sot otyrysynda ıÝlııa Vılchýk óz kinásin tolyqtaı moıyndady. Biraq, onyń sózinshe, jol-kólik oqıǵasyna basqa da kólik júrgizýshileri kináli.
Sot úkimimen ıÝ. Vılchýk shartty túrde 2,5 jylǵa bas bostandyǵynan aıyryldy. Sondaı-aq, 4 jyl boıy kólik júrgizý quqyǵynan shettetildi. Sottalýshyǵa probatsııalyq baqylaý ornatyldy.
