Baıqaýshylar saılaý kúni foto jáne vıdeotúsirilimdi qalaı júrgize alady – OSK túsindirdi
Aıta ketsek, Aqparat jáne qoǵamdyq damý mınıstrligi Ortalyq saılaý komıssııasymen birge ÚEU akademııasy» bilim berý jobasy sheńberinde saılaýdy baıqaý negizderin túsindirýge arnalǵan semınar ótkizip jatyr. Otyrysqa onlaın rejımde 500-den astam adam qatysýǵa nıet bildirgen. Jıynda saılaýdy baıqaý negizderi túsindirilýde.
«Baıqaýshylardyń daýys berý men qorytyndy shyǵarý protsesine kedergi keltirmeı, foto, aýdıo jáne vıdeojazba júrgizýge qatysty quqyq erekshelikterin tolyǵyraq túsindirip berýge ruqsat etińizder. Bul quqyqty qoldaný – Qazaqstan Respýblıkasynyń Konstıtýtsııasy kepildik bergen adamnyń quqyqtary men erkindigin, sonymen birge konsýtıtýtsııalyq zańda bekitilgen qupııa daýys berý qaǵıdattaryn qorǵaý qaǵıdatyna qol suǵý retinde eseptelmeıdi», - dedi Serik Sydyqov.
OSK múshesi Konstıtýtsııanyń 18-babynyń 1 jáne 2 bóligin eske saldy. Olar: Birinshi – árkimniń jeke ómirine qol suǵylmaýyna, óziniń jáne otbasynyń qupııasy bolýyna, ar-namysy men abyroıly atynyń qorǵalýyna quqyǵy bar; Ekinshi – árkim óziniń jeke salymdary men jınaǵan qarajatynyń, jazysqan hattarynyń, telefon arqyly sóılesken sózderiniń, poshta, telegraf arqyly jáne basqa joldarmen alysqan habarlarynyń qupııalylyǵy saqtalýyna quqyǵy bar. Bul quqyqty shekteýge zańda tikeleı belgilengen retter men tártip boıynsha ǵana jol beriledi.
Sonymen birge Serik Sydyqov Qazaqstan Respýblıkasyndaǵy saılaý týraly Zańynyń 8-babyna sáıkes «Respýblıka Prezıdentin, Parlamentiniń jáne máslıhattarynyń depýtattaryn, ózge de jergilikti ózin-ózi basqarý organdarynyń múshelerin saılaýda jasyryn daýys beriletindigin ári saılaýshylardyń óz erkin bildirýine qandaı da bolsyn baqylaý jasaý múmkindigine jol berilmeıtinin» eske saldy. Al Azamattyq kodekstiń 145-babyna sáıkes, kelisiminsiz eshkim de bireýdiń sýretin paıdalana almaıdy.
«Tıisinshe, foto, aýdıo jáne vıdeojazbanyń ózi baıqaýmen birdeı jeke málimetterdiń, sonymen qatar saılaýshylardyń tiziminiń qupııalylyǵy saqtalatyndaı júrgizilýi kerek», - dedi ol.
Onyń aıtýynsha, baıqaýshy saılaý barysyndaǵy óziniń foto, aýdıo jáne vıdeojazba júrgizý quqyǵyn qoldaný kezinde saılaý ýchaskesindegi atalǵan erejeniń saqtalýy boıynsha saılaý komısııasy tóraǵasynyń orynbasarynyń talaptaryn oryndaýy kerek», - dep túıdi Serik Sydyqov.
