Baıqaýshylar óz jumystaryn kásibı túrde oryndady – halyqaralyq sarapshy

ALMATY. QazAqparat – Qazaqstanǵa halyqaralyq baıqaýshy retinde kelgen Astrahan oblysynyń (RF) Gýbernator ákimshiliginiń ishki saıasat basqarmasy basshysynyń birinshi orynbasary Andreı Syzranov óz baǵasyn berdi, dep habarlaıdy QazAqparat tilshisi.

Sarapshy saılaý naýqany barysynda Almaty qalasynyń jetiden astam ýchaskesinde bolǵanyn aıtty.

«Men eshqandaı zań buzýshylyqtar baıqamadym. Halyqtyń yqylasy jaqsy boldy. Baıqaýshylar artyq qımylsyz óz jumystaryn kásibı túrde oryndady», - dedi spıker.

Sondaı-aq ol eki eldiń de saılaý barysy uqsas ekenin tilge tıek etti.

Aıta keteıik, búgin Qazaqstanda Májilis pen jergilikti máslıhattar depýtattaryn saılaýy ótti.