Baıqaý jeńimpazdaryna Mikasa altyn doby men Sábına Altynbekovanyń qoltańbasy qoıylǵan doptar beriledi
ASTANA. QazAqparat - QR Voleıbol federatsııasy «Sportty jazdyń úzdik fotosy» atty baıqaý jarııalady, dep habarlady uıymnyń baspasóz qyzmetinen.
Habarlamada fotokonkýrsqa voleıbol jankúıerleriniń voleıbolǵa, jazdaǵy sporttyq oqıǵalarǵa arnalǵan jumystary qabyldanatyny atap ótilgen.
Birinshi kezekte fotojumystyń erekshe qyzyqty oryndalýy men sıýjetiniń shynaıy tartymdylyǵy baǵalanady. Úzdik foto jınalǵan daýys sany (laık) boıynsha tańdalady. Daýly jaǵdaı (daýys sany teń túskende) týyndaǵan jaǵdaıda, jeńimpazdy ádilqazylar alqasy anyqtaıdy.
Baıqaýǵa qatysý úshin sk-sport.kz@mail.ru elektrondyq jáshigine (qatysýshylar) fotosýretterin jiberý qajet nemese «#MoeSportıvnoeLeto» torbelgimen tikeleı áleýmettik jelige ornalastyrýǵa bolady.
«Sportty jaz» baıqaýyna qatysýǵa ótinimderdi qabyldaý 2014 jylǵy 20 tamyzda (jergilikti ýaqyt 22:00-de) aıaqtalady.
Fınalǵa shyqqandardyń tizimi 2014 jylǵy 25 tamyzdan keshiktirmeı habarlanyp, Facebook, Twitter, Vk.com, instagram áleýmettik jelileri paraqtaryna jarııalanady.
Baıqaý jeńimpazy «Mikasa» altyn dobyna ıe bolady, Facebook, Vk.com jáne Twitter áleýmettik jelilerinde 1 oryn ıegerleri Sábına Altynbekovanyń qoltańbasymen voleıbol doptaryn alady», - dep atap ótti baıqaý uıymdastyrýshysy.
