Baıkalda top qasqyrdan qashqan elik qutqaryldy
ASTANA. QazAqparat - Baıkal mańy ulttyq parkiniń qyzmetkerleri Baıkal kóliniń jaǵasynan bir shaqyrym qashyqtyqta eliktiń laǵyn tapty. Muz betinde jatyp qalǵan janýar ornynan qozǵala almaǵan.
Bul týraly seısenbi kúni «Zapovednoe Prıbaıkale» FGBÝ baspasóz qyzmeti habarlady.
Memlekettik ınspektorlar jas elikti Tómengi jáne Ortalyq Homýt múıisteriniń aralyǵynda jaǵalyq reıd júrgizý barysynda baıqap qalǵan.
«Elikti muzǵa jyrtqyshtar - qasqyrlar qýyp shyǵýy múmkin. Ol jaǵaǵa qaraı muzdyń taıǵaq bolýy saldarynan qaıta almaǵan», - delingen habarlamada.
Ulttyq park qyzmetkerleri muzdyń betine múmkindiginshe mashınamen kelgen, artynan janýardy qutqarýǵa jaıaý barǵan. Olar elikti kólikke deıin qolymen kóterip, jaǵaǵa kelgennen keıin jiberdi.
Elik qara jerdiń betine kelgennen soń esin jıyp, Baıkal mańy ulttyq parkiniń taıgasyn kirip, kózden tasa boldy.
