Baıqal kóline batyp ketken ushaqtyń apatqa ushyraǵan sáti vıdeoǵa túsip qalǵan
ASTANA. QazAqparat - Kýágerlerdiń Twin Bee 2335G gıdroushaǵynyń áýege kóterile bergen kezinde apatqa ushyraǵan sátin túsirgen vıdeo youtube-te jarııalandy, dep habarlaıdy QazAqparat.
Ótken dúısenbi, 13 tamyz kúni keshqurym áýe kemesi Baıqaldaǵy Olhon araly mańynda áýege kóterilýge tyrysqan.
Beınerolıktiń kadrlarynan ushaq jyldamdyq arttyrý barysynda qıyndyqtarǵa dýshar bolǵanyn kórýge bolady. Áýe kemesi bir búıirine aýdarylyp, sýǵa batyp ketken.
Aldyn ala berilgen aqparatqa sáıkes, ushaqty basqaryp kele jatqan er adamnyń ushýǵa ruqsaty bolmaǵan.
Quqyqqorǵaý organdarynyń qyzmetkerleri oqıǵanyń mán-jaıyn anyqtap jatyr.
