Báıgeden respýblıkalyq týrnır ótedi: Júlde qory - 20 mln teńge

ASTANA. QazAqparat - Astananyń 20 jyldyq mereıtoıy qarsańynda «Qazanat» ıppodromynda báıge túrleri boıynsha respýblıkalyq týrnır ótedi, dep habarlaıdy «SPORTINFORM» SAA.

Eki qashyqtyqta ótetin jarys baǵdarlamasyna 25 shaqyrymǵa shaqtalǵan alaman báıge men 16 shaqyrymdyq báıge kiredi. Ár oblystan jáne Astana men Almaty qalalarynan eki attan qatysa alady. Jalpy júlde qory Astananyń 20 jyldyǵymen baılanystyrylyp, 20 mln teńgeni qurady. Alaman báıgeniń jeńimpazy 20 myń dollarǵa ıe bolady.

Jarystar 6 shilde kúni saǵat 14.00-de «Qazanat» ıppodromynda ótedi.