Báıgeden Qazaqstan chempıonatynyń birinshi irikteý kezeńi ótti

ASTANA. KAZINFORM — Kóktemniń alǵashqy merekesimen birge elimizde báıge maýsymy da bastaldy. 

Búgin Shymkent qalasynda «Báıge» federatsııasynyń uıymdastyrýymen báıgeden Qazaqstan chempıonatynyń birinshi irikteý kezeńi ótti. 

Sáıgúlikter qunan báıge, top báıge jáne alaman báıge túrleri boıynsha synǵa tústi.

Atalǵan atalymdar boıynsha jeńimpaz atanǵandar:

Qunan báıge — 1-oryn Abzal Turǵanbek, Qarlyǵash tulpary (Almaty oblysy)
Top báıge — 1-oryn Bekzat Dildahan, Búrkit tulpary (Almaty oblysy)
Alaman báıge — 1-oryn Abzal Turǵanbek, Baqtory tulpary (Almaty oblysy)

Aıta keteıik, «Báıge» federatsııasy ulttyq sport qaýymdastyǵynyń quramyna kiredi.

Báıgeden Qazaqstan chempıonaty toǵyz kezeńnen turady.

Ár kezeńde úzdik bestikke engen attar fınalǵa joldama alyp otyrady.