BÁIGE: júzden júırik shyqqandar júldecin aldy (FOTOREPORTAJ)
ASTANA. QazAqparat - Qazaqstan musylmandary dinı basqarmasy uıymdastyrǵan respýblıkalyq «Islam jáne dástúr» atty shyǵarmashylyq báıgesiniń jeńimpazdary Bas múftı Erjan qajy Malǵajyulynyń qolynan júldelerin aldy, dep habarlady www.muftyat.kz saıty.
Saltanatty sharanyń ashylýynda sóz alǵan Bas múftı jeńimpazdardy júldesimen quttyqtap, alǵys hatpen marapattady.
«Baıqaýdy ótkizýdegi maqsatymyz - buqaralyq aqparat quraldary arqyly din men dástúrimizdi barynsha nasıhattaý. Osy úzdik maqalalardy jınaq etip shyǵarýdy josparlap otyrmyz. Budan bólek «Din men dástúr» jyly aıasynda jamaǵat arasynda sporttyq jarystar uıymdastyrylady. Tarıhı meshitter jaıly derekti fılmder túsirý de oıymyzda bar», - dedi Erjan qajy Malǵajyuly.
QMDB Apparat jetekshisi Ǵylymbek Májıev jeńimpazdardy anyqtaýda ádilqazy músheleriniń jumysy jaıly baıandap, baǵalaý barysynda shyǵarma avtory jaıly málimet berilmeı, shıfrlyq negizde júzege asqanyn jetkizdi.
Marapattaý rásimin júrgizgen QMDB Ýaǵyz-nasıhat jáne ǵalamtormen jumys bóliminiń meńgerýshisi Ershat Ońǵarov «Islam jáne dástúr» baıqaýyna qarjylaı demeýshilik kórsetken «Nur-Qazaqstan» jáne «Atlas» qajylyq kompanııasynyń basshylaryna alǵys bildirdi.
Saltanatty shara sońynda júlde ıeleri Bas múftımen estelikke sýretke tústi.
Budan buryn habarlanǵandaı, ústimizdegi jyldyń naýryz aıynyń 5-shi juldyzynan bastap, sáýir aıynyń 25-ne deıin jalǵasqan shyǵarmashylyq báıgeniń jeńimpazdaryn arnaıy bekitilgen sarapshylar anyqtady. Asyl dinimiz Islam men qazaqy dástúrimizdiń arasyndaǵy tamyry tereńge tartqan tarıh qoınaýynan beri qaraı qalyptasqan ata dástúrimizdiń sabaqtasyp jatqandyǵyn, sol dástúrlerimizdiń basym kópshiligi aqıqat dinimizden bastaý alǵandyǵyn jan-jaqty asha bilgen 13 shyǵarma irikteldi.
Shyǵarmashylyq báıgeniń jeńimpazdary:
1-shi oryn: Nurbol Qudaıbergenov, «Abaı» atyndaǵy QUPÝ-niń 2 kýrs magıstranty. 250 000 teńge ıegeri.
2-shi oryn: Ádil Jánenuly, «Nur Qazaqstan» ýnıversıtetiniń túlegi. 150 000 teńge ıegeri.
3-shi oryn: Roman Burqash, «Nur Múbarak» Egıpet Islam mádenıeti ýnıversıtetiniń 3 kýrs stýdenti. 75 000 teńgeniń ıegeri.
«Tyń ıdeıa» nomınatsııasy: Muhat Balaýbekov, tilshi. 50 000 teńgeniń ıegeri.
Yntalandyrý syılyqtarynyń ıegerleri, 15 000 teńge:
1. Arý Saǵıeva
2. Yqylashan Maılanuly.
3. Bolat Mamytbekov.
4. Ulan Ermekuly.
5. Anar Jeksembaı.
6. Marfýǵa Shapııan.
7. Rahmatýlla Mollaqanaǵatuly.
8. Aqylbek Shaıahmet.
9. Qýanyshbek Qazybekuly.
10. Janat Ońǵarbaıuly.
