Báıdibektik jastar arasynda voleıboldan týrnır ótti – Túrkistan oblysy
BÁIDІBEK. QazAqparat – Túrkistan oblysynyń Báıdibek aýdanynda jastar arasynda voleıboldan týrnır ótti. Sporttyq saıys aýdandyq máslıhattyń qurylǵanyna 25 jyl tolýyna oraı jáne onyń tuńǵysh hatshysy Serik Kúzenbaıulyn eske alýǵa arnaldy, dep habarlaıdy QazAqparat tilshisi.
Týrnırdiń saltanatty ashylýyna aýdan ákimi Baqytbek Tanagózov qatysyp, barlyq shaqyrylymdaǵy máslıhat depýtattaryn merekemen quttyqtady. Máslıhattyń qurylý tarıhyna toqtalyp, elimiz táýelsizdik alǵan jyldardan bergi jetken jetistikterge maslıhat depýtattarynyń qosqan úlesi zor ekendigin atap ótti. Sondaı-aq, aldaǵy ýaqytta da halyq qalaýlylarymen birlesip jumys atqara beretinin aıtyp, merekege oraı uıymdastyrylyp otyrǵan týrnırge qatysýshy jas sportshylarǵa sáttilik tiledi.
Odan keıin aýdandyq máslıhat hatshysy Muqadas Naqypbekov jergilikti memlekettik basqarý jáne ózin-ózi basqarýdyń damýy men qalyptasýyna qosqan eleýli úlesi úshin «Qazaqstan máslıhattaryna – 25 jyl» merekelik medalimen oblys kóleminde basshylyq qyzmet atqaryp júrgen el aǵalary men aýdanymyzdyń birqatar eńbek ardagerin, Serik Kúzenbaıulynyń joldasyn marapattady.
Merekelik sharadan soń aýdandyq týrnırge qatysqan 11 komanda ózara oıyndar ótkizip, myqtylyqtaryn tanytty. Jarys jeńimpazdaryna kýbok, dıplomdar, medaldar men estelik syılyqtar tabys etildi.
