Báıdibekte turmysy tómen 300 otbasyna azyq-túlik taratylyp jatyr
BÁIDІBEK. QazAqparat – Elimizdegi Tótenshe jaǵdaıǵa baılanysty qıyn-qystaý sátte Túrkistan oblysyndaǵy kásipkerler kópbalaly jáne muqtaj otbasylarǵa kómek qolyn sozýda, dep habarlaıdy QazAqparat tilshisi.
Báıdibek aýdanynda jergilikti kásipkerler Ǵabıden Qapalbaev pen Baqytbek Naqypbekov eldi mekenderde turatyn ataýly áleýmettik kómek alýshylar men ómirlik qıyn jaǵdaıdaǵy 300 otbasyna azyq-túlik úlestirýde.
Atalǵan kásipkerler aýdan ortalyǵyndaǵy qoımaǵa 300 otbasyǵa arnap 17,5 tonna un, 1,75 tonna kúrish, 1,75 tonna ósimdik maıyn jetkizip bergen. Bul azyq-túlikter kezeń-kezeńimen turmysy tómen januıalarǵa úlestiriledi.
Aýdandyq kásipkerlik bóliminiń basshysy Meıirjan Berikov kásipkerlerdiń demeýshiligimen bólingen azyq-túlikti ázirge Aqbastaý aýyldyq okrýgindegi 30, Boraldaı aýyldyq okrýgindegi 36 otbasyna taratyp berdi.
