Báıdibekte kórshi aýylǵa qydyryp barǵan 7 jasar bala joǵalyp ketti
BÁIDІBEK. QazAqparat - Túrkistan oblysynyń polıtseıleri joǵalǵan 7 jasar balany tapty, dep habarlaıdy QazAqparat oblystyq polıtsııa departamentine silteme jasap.
Báıdibek aýdandyq polıtsııa bólimine jergilikti turǵyn aryzdanady.
Áıeldiń aıtýynsha, kórshi aýyldaǵy sińlisiniń úıine ulymen birge qydyryp barǵan. Osy sátte 2014 jylǵy uly ózge balalarmen oınap júrip, aıaqasty habar-osharsyz ketken.
Tapa-tal túste ulyn ushty-kúıli joǵaltyp alǵan ana bar úmiti polıtseılerde ekenin habarlaıdy.
Bul jaıtty báıdibektik polıtseıler birden tirkeýge alyp, bul aýyldyń oı-qyryn tolyq bilmeıtin joǵalǵan balany izdep tabý úshin sol aýmaqqa bekitilgen ýchaskelik ınspektorlar jumyldyryldy.
2 ýchaskelik ınspektordyń eki jaqtap jedel izdestirýiniń arqasynda 7 jasar jetkinshek 1,5 saǵatta tabyldy.
Belgili bolǵandaı joǵalǵan bala kóshe boıynda oınap júrip, adasyp ketken. Qazirgi tańda bala jaqyndaryna qaıtaryldy.
Ulymen aman-esen qaýyshqan anasy, balany izdestirýde shapshańdyqpen áreket etken polıtsııa qyzmetkerlerine izgi yqylasyn bildirip, raqmetin aıtty.
