Báıdibekte kezek kútken 326 adamǵa jer telimi beriledi
Atalǵan jer telimderi Shaıan aýyldyq okrýginde kezekte turǵan 326 turǵynǵa beriledi. Bul jer telimderinde avtojol, aıaq jol tóselip, sýaǵarlar men elektr baǵanalary jáne aýyz sý júıesi ornatylǵan. ıAǵnı, turǵyndarǵa jaǵdaı jasalǵan. Shaıan aýyldyq okrýgi ákiminiń orynbasary Sáken Myrzabekovtyń aıtýynsha, ınfraqurylym respýblıkalyq bıýdjet esebinen tartylǵan. Úı salam deıtin turǵyndar úshin kommýnaldyq máseleler tolyq sheshilgen.
«Báıdibek aýdanynda jurtshylyqty turǵyn úımen qamtamasyz etý boıynsha birqatar jumystar júrgizilip jatyr. Jýyrda Astana qalasynyń 20 jyldyǵy mereıtoıy qarsańynda bir páterli 20 turǵyn úıdiń kilti saltanatty túrde tabys etilip, 20 otbasy qonys toıyn toılady. Atap aıtqanda, úıler jetim balalar men ata-anasynyń qamqorlyǵynsyz qalǵan balalarǵa, áleýmettik jaǵynan qorǵalatyn tabysy az azamattarǵa, memlekettik qyzmetshiler, ózge de bıýdjettik uıymdardyń qyzmetkerleri men áskerı qyzmetshilerge jáne apatty jaǵdaıdaǵy úıler sanaty boıynsha turǵyn úı kezeginde turǵan azamattarǵa berildi», - deıdi Sáken Myrzabekov.
Úılerdiń aýlasy qorshalǵan, aýyz sý tartylǵan. Baspanaly bolǵan turǵyndardyń biri - kópbalaly áke, bilikti hırýrg Jamalbek Beısenov 10 jyl kezekke turǵan. Ol úıdiń sapaly ári qolaıly salynǵanyn aıtyp, rızashylyǵyn bildirdi.
Qazirgi tańda Báıdibek aýdany Shaıan aýylynyń batys bóliginde ornalasqan jańa úıler óz aldyna bir shaǵynaýdan bolyp qurylyp otyr.
Odan bólek, Báıdibek aýdanyndaǵy 3 eldi mekende jeke merdigerler esebinen 2 qabatty 10 páterli qyzmettik turǵyn úıdiń jáne aýdan ortalyǵy Shaıan aýylynan 2 qabatty 16 páterli 5 turǵyn úıdiń qurylysyna jobalyq-smetalyq qujattama ázirlenip jatyr.
Búginde Shaıan aýylynda jeke ınvestorlar jalpy quny 1,3 mlrd teńgege jabyq tennıs korty, júzý basseıni jáne sport alańshalarynyń qurylysyn bastap ketti. Qurylys nysandaryn túrkııalyq merdiger kompanııa salyp jatyr. Bul nysandar bıyl paıdalanýǵa berilmek. Tennıs korty sapaly tósenishpen jabdyqtalǵan. Al, jabyq basseınniń uzyndyǵy - 25 metr bolsa, eni - 11 metr. Basseın avtomatty tazalaý júıesimen jabdyqtalyp jatyr. Nysandar 1-2 aı kóleminde paıdalanýǵa berilmek. Endi aýdanda úlken tennıs, júzý sporty damıdy.
Búginde aýdandyq dene shynyqtyrý jáne sport bólimine qarasty 1 sporttyq keshen, 5 balalar men jasóspirimder sport mektebi jumys istep tur. Bıyldyń ózinde aýdandaǵy sport mektepterindegi 40-qa jýyq sportshy oblystyq, respýblıkalyq jáne halyqaralyq jarystardan júldemen oraldy.
