Báıdibekte aýyl turǵyny kókpar ótkizip, oǵan 100-ge tarta adam qatysqan
Turǵyndardyń karantın talaptaryn saqtaýynyń aldyn alý boıynsha reıd turaqty túrde ótip jatyr. Osyndaı kezekti shara barysynda Báıdibek aýdanynyń polıtseıleri karantın men sanıtarlyq-epıdemıologııalyq normalardy buzǵan turǵyndardy anyqtady.
Bógen aýyldyq okrýgindegi erkin jaıylymdardyń birinde Báıdibek APB qyzmetkerleri jergilikti turǵynnyń as berý qurmetine kókpar uıymdastyrǵanyn anyqtady.
Tártip saqshylary is-sharaǵa qatysýshylarǵa karantın talaptaryna buzbaý kerektigin túsindirdi. Sondaı-aq shekteý sharalaryn buza otyryp, 100-ge jýyq adamdy jınaǵan kókpar uıymdastyrýshylaryn jaýapqa tartty.
Іs-sharany uıymdastyrýshylarǵa qatysty QR ÁQBtK 425-baby boıynsha ákimshilik hattama toltyryldy. Jınalǵan materıaldar tıisti zańdy sheshim qabyldaý úshin quzyretti organdarǵa jiberildi.
Esterińizge sala keteıik, bas memlekettik sanıtar dárigerdiń qaýlysyna sáıkes Túrkistan oblysynyń aýmaǵynda halyq arasynda koronavırýs ınfektsııasy taralmas úshin karantın rejımi engizilgen.
Oblysta polıtsııa qyzmetkerlerinen, SES jáne jergilikti atqarýshy organ ókilderinen turatyn mobıldi toptar quryldy.
Óz kezeginde Túrkistan oblysynyń polıtseıleri azamattardy karantın rejımin qatań saqtaýǵa, medıtsınalyq betperde kııýge, antıseptık qoldanýǵa jáne áleýmettik qashyqtyqty saqtaýǵa shaqyrady.
Sondaı-aq, egde jastaǵy turǵyndar men balalar shuǵyl qajettiliksiz úıden shyqpaýy kerek.
