Báıdibekte 400 myń teńge para alǵan sheneýnik 12 mln teńge aıyppul tólep qutyldy

BÁIDІBEK. QazAqparat - Kásipkerden para alǵan aýdandyq qurylys bóliminiń basshysy sottaldy, dep habarlaıdy QazAqparat

Sybaılas jemqorlyqqa qarsy is-qımyl agenttigi Túrkistan oblysy boıynsha departamenti baspasóz qyzmetiniń málimetinshe, 5 mamyrda Báıdibek aýdandyq sotynyń úkimimen Báıdibek aýdandyq qurylys, sáýlet jáne qala qurylysy bóliminiń basshysy T. Dosalıev sottalǵan.

Ol alǵan parasynyń otyz eselengen somasy mólsherinde 12 mln teńge aıyppul tóleıtin boldy.

Ol «Báıdibek aýdany Aǵybet aýylynda dene shynyqtyrý-saýyqtyrý kesheniniń qurylysy» obektisin paıdalanýǵa qabyldaý aktisine kedergisiz qol qoıý jáne jalpy qamqorlyǵy úshin kásipkerden 400 myń teńge para alǵany úshin kináli dep tanylǵan.

Úkim zańdy kúshine engen joq.